Ing Pamangilala king 15 Martes A Devocion Anting Parangal Cang Santo Domingo De Guzman
"Pangaibat nang mete iniang ding sablang memanalacaran migmula nong mayangu bie, apigunaman dang sucat rang ipaniadsad ding salese ning camumulan, dapot e la sinulat dikil king bie nang Santo Domingo. Sinulat lang metung a articulong meaus Vitae Fratum.
E de selese o binie ing mismu nang bie Sto. Domingo. Pablasang munie ya iting alang ulaga caniti ampat pepayalian na ining makilala anting ing "maulang talapamalangcas". Bagcus, ginaua yang lugal nung nu la maliaring micacapatad, lalaki man o babai.
Inia ing sumulat king bie nang Domingo misundu ya king paindikilan ning keang bie. Ing keang calam ya itang gauang lugal nung nu ring dacal a tau mikisalese la."
Please also check the English version
Canitang Calabing Aduang libu Atlung pulu't Atlung banua parangalan na ne ning Orden ding Talapanaral i Santo Domingo lacuas na neng aldo Martes, ing aldo king paruminggu nung capilan ya milipat carin Bologna ing keang catauan. Canitang Calabing Aduang libu Atlung pulu't Siam ampon Calabing Aduang libu Pitung pulu't Aduang banua, mipabalang tuntunan king Orden king sucat yang mitagulaling ing aldo Martes cang Santo Domingo.
Canitang Calabing Anam a libu Atlung pulu't Metung a banua, linaganap ya ing metung a salut carin Florencia. Miuyaban king devocion, ing metung a Dominicanong Fraile a mipamalagiuanang Padre Michael Bruni igiagan no ring tau ban Mangumpisak at tanggap king Banal a Pamakinabang king dangalan nang Sto. Domingo caring mituki-tuking Labing Limang Martes painturu king aldo nang cafiestan ning Banal a Mesambitla, ban aduan ya inh pacalulu ning Dios.
(Pinili ne ing Aldo Martes anti ing acasanayan nang aldo tagulali cang Sto. Domingo king Orden, a mesabing ya ing aldo a masusi yang milipat catauan; bibilugan re iti ding Labing Limang Aldo, a bilang ampon tanda ding misterios ning Casantu-santusang Rosario a penaral nang Sto. Domingo cagum ning keang Orden.) Miampatan ya pin naman ing dalut at ding mapilang bantug a capagnasan mipagcalam la. Ibat canita, iting devocion miliari yang kilala caring Dominicanos.
Caniting banua, pagmasusian taya ing Caualung pulu nang Jubileo ning Dies Natalis (o ing pangasapuac na carin banua) ning Banal tamung Ibpang Santo Domingo canitang Calabing Aduang libu Aduang pulu't Metung a banua. At agcatan da cayung makiabe kecami king pamangadi careting Labing Limang Martes, metung ya iting sacdal a devocion king icarangal nang Santo Domingo cabang pagmasusian taya ing Caualung pulung Banua ning Jubileo ning keang camatayan. Ing pamiparangal ampon pamiapus caring banal metung yang maustang paralan ban sumulung dagul king cabanalan.
Inia, caniting banua anting parangal king Macamal a Fundador, ing Parroquia nang Santo Domingo ning Guzman, Balen ning Mexico, Pampanga papalad ne caring anggang maldang mamintacasing Capampangan cang Apung Inggu, iting kinalap at mipangapampanganang Labing Limang Martes a Devocion anting Parangal cang Santo Domingo.
Mananu na sanang caniting dimut ming cagiuan ampon pamangangas, akilala taya sanang abe-abe ing keralanan nang Santo Domingo, at layun makirake king keaus na king Banal a Pamanaral. Dios pu!
01. Mumunang Martes
02. Caduang Martes
03. Catlung Martes
Please also check the English version
Abril 25, 2021
Binaldug na king Amanung Sisuan
Cirilio Socorro: Sale ning Capasngauan
Ning Barrio Laug, Balen ning Mexico
ning aguman ning DagísPisamban Kapampángan a midake at micalap para king casalesayan at devocionario anting parangal cang Santo Domingo de Guzman
Comments
Post a Comment