Mumunang Martes: Cambe ning Banal a Capatad Ta'ing Domingo

ING MUMUNANG MARTES A DEVOCION ANTING PARANGAL CANG SANTO DOMINGO DE GUZMAN


Please check the English version:
First Tuesday:  "In The Company Our Holy Brother Dominic"

"CAMBE NING BANAL A CAPATAD TA'NG DOMINGO"

DALIT A PAMUCLAT: "LUMEN ECCLESIAE"

O Sulu ning Capulungan,
Talaturu ning Catutuan,
Sampaga ning Capanayan,
Marfil na ning Catapatan.

Ume yung tigtug bitasa,
Aguas de Sabiduría,
Talapanaral ning Gracia,
Caring Nuan yagum yu ke sa.

PAMAGMULA
V. O Dios, tinubud me + i Jesus ban akilala raka.
R. At tinubud me kecami ing kecang Espiritu ban macapibie-bie cami.

V. Binie me kecami i Santo Domingo ban lumacad cami king catutuam na ning Mayap a Balita.
R. Cambe nang Santa Catalina, ing talapamalangcas ampon ding banal a Dominicano a memun nang meuna kecatamu.

V. O Cristo Jesus, mantabe ca kecami cabang abayan mi la king panalangin.
R. Ipakit me kecami ing kecang pacalulu ampon cayapan ban apasiag mi ya ing Mayap a Balita ning Catutuan.

V. O Espiritu nang JesuCristo, capnuan mu cami king lugud antimo ing depatan mu cang Santo Domingo.
R. Ban ing catalaraun mu ampon capanayan idala neng mabie ing cayarian caniting misasagsag a yatu.

V. 
Aduan mi iti cabang gaganacan mi ya ing aus ming anting Dominicano.
R. Malliari ke sanang tutung micacapatad king metung at metung ampon king yatu.

V. Aduan mi iti e para caring sarili mi,
R. Nune ban paligayan raca, O Dios, mangga man king alang angga. Amen.

DALIT KANG SANTO DOMINGO
Santo Domingo, ipanalangin Mu kami,
Santo Domingo, ipanalangin Mu kami.
Santo Domingo, ipanalangin Mu kami,
Santo Domingo, ipanalangin Mu kami.

I. Bie mabandi at atinan
Iti yang kekang kebaitan
Para king Ginu sikuil Mu ngan
Penaral Me ing amanu,
Melili king katutuan
Kaya binalik mung pasibayu.

II. Mikakalukung pamanaral
Leukan pati king kababan At dalise kabanalan,
Penaral mu ing katutuan
Maslag kang tala
Migdalang tula king Iglesiang katawan na.

III. "Laudare, Benedicare,
Praedicare" kekang tuntunan.
At taung tinuki king tagimpan.
Talapanaral mitatag la't
Lugud kang Maria at
Rosaryong banal linaganap ya!

IV. Bie kalulu pinili mu,
Saupan lang mangailangan ketula mu Panusig king katawa't mayakayan
Pawang kekang paingulutan
Ban ing Ginung Jesus naman
yang ganap mung atukyan.

V. Maligayang Santo Domingo
ika sana ing apusan
Lugud king Dios migit king nanu man
Parang-tau 'lang lingapan
Ban ila man Ginu at layun aluguran.

VI. Malugud ming Santo Domingo,
O mal ming patulunan
King bie biniyagan piyalimbawanan
Saup mu kekeng pasalamatan King Ginung parati
at matula mu ke sa'ng ganakan.

PAMAMASA (Dapat 2: 43-47)

Pamamasa ibat king libro da ring Dapat

Ding sabla micapnuan lang banal a tacut king Ginu pauli ra ding dacal a mala at macapagmulalang bage mengarapat king capamilatan da ring apostoles. "Ding sablang talasalpantaya menatili lang miabe-abe at ing sabla rang pibandian para carela ngan; pemisali ra ing carelang pibandian at cayatinan at ing ayabli ra pamie ra caring sabla, agpang king pamangailangan ning balang metung carela. Balang aldo miabe-abe lang pupunta king Templo, dapot mititipun la caring care lang pibalebale para king pamamirasung tinape, misulusulu lang mipnung tula at malam a pilubluban, "pupurian de ing Dios at meging calugudlugud la caring sablang tau. Ing Ginu daragdag no carela aldo aldo retang mangaligtas.


BIE NANG SANTO DOMINGO
Cambe nang Santo Domingo, ing cayambangan ya nang milliari nang sariling saring pekiabutan. Penalukian ne ing bie mistula ampon ing tuntunan king sablang paralan. Malliari la ngan lumapit caya ring sabla. Metung yang masayang tau cambe ning capigaganacan caring e mayap a damla ding aliua, para king keang apostolico, marapal a alapitan, micacapatad, malugud ampon laus lub a petutuanan ing cabilian na anting Cristiano.

Atalastas neng Santo Domingo ing ambang ning pamibiebie ning comunidad king minunang capulungan at keang pigdulapan e pamiabe-abe nune ing talus king pamisasanmetung para king mission. E ya maulaga - bagcus maulaga ya ing pamanaral. Ing balangcas ning keang Ordin milliari lang miatiat ban macapibiebie la kung bayung cabilian ampon bayung pangatau. Pablasang ring calam ning sicacatau sucat lang ganap king mission ning banal a pamanaral.

CAYADUANAN
Para king pangatubud ding Dominicano,
- Salamat, O Guinu.
Para king bie ra king kecang icaligaya,
- Salamat, O Guinu.
Para king Mayap a Balitang yayatad da,
- Salamat, O Guinu.
Para caring mayayaus king para dang pamibiebie,
- Salamat, O Guinu.
Para caring Banal a binie mung sucat ming apusan,
- Salamat, O Guinu.

IBPA MI

Ibpa mi, a atiu banua,
misamban ya ing lagiu mu,
datang kecami ing cayarian mu,
mipamintuan ing lub mu 
keti sulip anti banua. 

Ing cacanan mi king aldo-aldo 
ibie mu kecami king aldo ñgeni: 
ampon ipatauad mu kecami 
ring sala mi keca, 
anti ing pamamatauad mi
caring micasala kecami;
mañga e mu cami ipaisaul
king tucsu nune icabus mu cami 
king maroc.

PAMUPUS A PANALANGIN
O Guinung JesuCristo, tinubud me i Santo Domingo ban mantabe kecami king Catutuan ban apasiag mi ya caring sabla ing Mayap a Balita. Saupan mu caming malliaring tapat caring kecaming panalangin ampon masigasig king kecang Amanu. Magdala ya sanang capanayan ing pacalulu mi ampon capigaganacan caniting misasagsag a yatu. Saupan na ke sana ning cabiasnan da ri Santo Domingo ampon Santa Catalina ban malugud ming ipasiag ing Catutuan para king kecaming Capulungan. Pagcalaman mu caming sigasig para king catalaruan ampon sicanan ban malliaring tapat a patutu ning kecang lugud. Misundu ke sanang lumacad cambe nang Santo Domingo, cambe nang Santa Catalina, ampon ding sablang Dominicano a memun nang meuna kecami, ban malliari keng balayan ning banal mung pamanaral. Iti aduan mi king Cabanal-banalan nang Lagiung Jesus. Amen.

BENDISIUN
V. Ipanalangin yu cami, O Santo Domingo ampon icong sablang Banal a Dominicano.
R. Ban mangaintulid caming makirake king ligaya ning banal yung pamanaral king Mayap a Balita.

V. Bendisiunan naca tamu sana ning Dios layun palablaban no ring pusu tamu king lugud 
R. Macapibie-bie tamu sana king Mayap a Balita king arapan ning Dios ampon ding capara tamu.

V. Purian taya ampon pasalamatan ing Dios.
R. Ngeni at mangga man king alang

Mibalik king milabas a blog post: 



First Tuesday:  In The Company Our Holy Brother Dominic

Abril 27, 2021
Binaldug na king Amanung Sisuan
Cirilio Socorro: Sale ning Capasngauan
Ning Barrio Laug, Balen ning Mexico
ning aguman ning DagísPisamban Kapampángan a midake at micalap para king casalesayan at devocionario anting parangal cang Santo Domingo de Guzman


Comments

Post a Comment

Popular Posts